The Niche Guys ba tšere kgato ye e kwagalago mabapi le kgolo ya khampani ka go kgetha Lucky Makena go ba Creative Director. Pele ga ge e tla ba leloko la The Niche Guys, Makena o be a šomela M&C Saatchi Johannesburg. Maitemogelo a gagwe a akaretša go šomela Ogilvy, JWT, Primedia Broadcasting le Tsalena Media, moo e beng e le Creative Director a etile pele mpshafatšo ya Thobela FM le Motsweding FM.
Makena o hlalositše pego ye ka go re: Go ba karolo ya The Niche Guys ke kgato ye ke e tšeelago godimo. Nnete ke gore, go ba Creative Director ke phihlelelo ya mengwaga yeo ke e šomileng mmogo le ditsebi tša Marketing. Ga go na khamphani e kaone go feta The Niche Guys go tšweletša leeto le la ka pele. Ebile ke dumela gore lenaneo la bona la cloud-based operations le tloga le bontšha gore ye ke khamphani ya sebjalebjale!
Leigh Augustus, CEO ya The Niche Guys, o hlalosa ka fao go thwalwa ga Creative Director go bontšhang kgolo ya khampani. “Re thabile kudu go amana le Creative Director e bjalo ka Lucky Makena. Go thwala ga gagwe ke karolo ya go gola ga The Niche Guys mme bjale re na le bašomi ba ‘talente tša go fapafapana ka Johannesburg, Durban le London. Bohle ba kopantšhwa ke lenaneo la rena la cloud-based operations. Re tshepetše go Makena go eta pele lesolo la The Niche Giuys la go hlagiša mešomo ye e kgahlišang lefase ka bophara.”
“Lucky Makena ke monna yo ke šomileng mengwaga le yena Ogilvy Johannesburg le Ogilvy Durban morago bjale,” go realo Creative Partner, Cameron Krieger. “Ke mo tshepa kudu gore o na le dika tšeo di nyakegang go re eta pele bjalo ka Creative Director: Bokgoni bja thlolo, kelotlhoko, tsebo le bokgoni bja go bolela le go ngwala maleme a mmalwa. Botsebotse, mothaka wo ke Niche Guy!”
Ye nngwe ya dikarolwana tša Makena ke go šoma gotee le The Niche Guys Partner Rory Jacobs go tšweletša pele katološo ya TNG.Production, lefapa la The Niche Guys.
Go thwalwa ga Lucky Makena go latella go lemogwa semmušo ka lengwalotlhatse ga The Niche Guys ke B Corp, mabapi le tsamaišo ya khamphani ye ya go hlokomela bašomi. Ikopanye le The Niche Guys go hi@thenicheguys.com
CLICK HERE to submit your press release to MyPR.co.za.
Submit your Press Release for free to MyPR here: MyPR Free Press Release Submission.